...يا هاني يبني من مشيت

من مشيت ...يا هاني يبني من مشيت
طلگت كلشي بغيابك من مشيت
وبالحلم..
بالحلم طيفك اجاني
چن حضنتك
چن شبگتك
من مشيت...
اسأل الشمات عني شگد بچيت
دوريتك بالمكاتب وبالوفود وبالرسايل
دوريتك ما لگيت
من مشيت...
مو جديده فراگ عندي
ياما گبلك ودعيت
ويااااا وداعك
خله روحي چنها طير بلايه بيت
من مشيت
أه يبني يهاني من مشيت
شلون حالي؟
شلون ليلي؟
ليل شاعر بالقوافي تمدديت
من مشيت انذبحت الضحكه بغيابك
تالي بس دمعه صفيت
ما تجيني أ تشوف حالي
راسي شيب وانحنيت
من مشيت
أه يبني يهاني يبني من مشيت
گالوا الي يفارق يعاني
يگضي ايامه يتاني
بس عجيبه
يبچي گلبي؟؟ ما دريت
ما دريت شگد بچالك
صرت عازه
كون اشوفن بس خيالك
ولنّه صوت يگلي يرجع گتله يرجع صدگيت!!
من مشيت
أه يبني يهاني يبني من مشيت
چنت شمعه وبنسمه فراگك طفيت
ويا لحن اعزف تريد؟؟
وانه ناي بلايه شفه
وجرعت هضم الليالي بكاس موتك وانتشيت
من مشيت الفكر يسرح
وياهو يوصل صدگ يضيع بصفنتي
ولو شفت شبان تضحك
والله اذكرك ما نسيت
أه ياهاني يبني من مشيت
بگلب خاشع
نزلن دموعي ودعيت
يا حبيبي يمته ترجع؟؟؟
لخاطرأمك وأبوك يمته ترجع؟؟؟
والله بعدك انتهيت
أه ياهاني يبني من مشيت
أهيا هاني يبني من مشيت
أه يا هاني يبني من مشيت

رووووووووووووووووعه يالغلا

يعطيك الف عآفيه

لاهنت ..